Paloka: Prangosjet me urdhër politik, u ndaluan dhe qytetarë që nuk ishin në protestë

14:30 | 3 Qershor 2019
Gita

Nënkryetari i Partisë Demokratike Edi Paloka ka reaguar në emër të opozitës për 42 personat e arrestuar nga policia në lidhje me protestën e ndjeshme të opozitës.

Paloka është shprehur se prangosja e protestuesve është kryekëput një urdhër politik i Edi Ramës. Madje sipas demokratit shumë qytetarë janë ndaluar në rrugë dhe janë arrestuar, pa patur fare lidhje me protestën.

Nënkryetari i PD-së më tutje ka publikuar dhe videon e përplasjes mes Ministrit të Brendshëm Sandër Lleshaj dhe ish deputetit Bardh Spahia në ambientet e spitalit të Traumës në Tiranë, duke thënë se Ministri ka dhunuar dhe vartësit e tij, në përpjekje për të larguar ish deputetin sa më parë pas debatit të fortë që pati me të.